Read this recipe in English: Roast beef with ginger, curry and raisins
Dixx ta’ nhar ta’ Ħadd bħalma kienet tagħmel in-nanna, jew kważi. Bis-sajran fit-tul f’temperatura baxxa l-laħam isir bil-mod u għalhekk jibqa’ aktar tari, filwaqt li jkollu ħin jassorbi t-togħmiet tal-ħwawar sew.
Ħin: 2 sigħat u 45 minuta
Isservi: 6-8 persuni
Ingredjenti:
- ⅓ kikkra dqiq
- 1 kuċċarina melħ
- ¼ kuċċarina bżar
- 3kg ċanga, biċċa sħiħa ta’ taħt l-għonq (chuck) jew rump, mingħajr għadam
- 2 mgħaref żejt veġetali
- 1-1½ kikkra stokk taċ-ċanga
- ½ kikkra chutney
- ½ kikkra żbib
- 1 kikkra basal imqatta’
- 2 sinniet tewm, imqattgħin
- 1 kuċċarina curry
- ½ kuċċarina ġinġer mitħun
Tħejjija:
- Saħħan il-forn għal temperatura ta’ 160°C.
- Ħallat flimkien id-dqiq, il-melħ u l-bżar u ogħrok it-taħlita fil-laħam taċ-ċanga.
- Saħħan iż-żejt f’taġen kbir u xawwat iċ-ċanga minn kull naħa sakemm tieħu l-kulur, imbagħad poġġiha f’dixx tal-forn bil-għatu.
- Fl-istess taġen qalli l-basal u t-tewm għal 2 minuti u żid l-ingredjenti l-oħrajn kollha. Ħalli kollox jisħon sew, imbagħad ferra’ t-taħlita fuq il-laħam tad-dixx. Għatti d-dixx u daħħlu fil-forn għal 2-2½ sigħat jew sakemm tara li l-laħam sar sewwa.
- Servi ma’ ħaxix tal-istaġun mgħolli jew mixwi.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.