Meta tagħmel dan il-butir id-dar tevita li żżid ħafna melħ u zokkor u tista’ toħloq butir għall-gosti tal-individwi wkoll. Il-metodu huwa faċli ħafna, kemm titħan kollox fi proċessur tal-ikel ma’ żejt newtrali (safflower, canola) sakemm it-taħlita ssir kremuża.

Ipprova waħda minn dawn l-erba’ tipi ta’ butir:

1. Butir tal-ġewż pekan (pecan nuts) u kannella – Ħallat 2 kikkri ġewż pekan ma’ 4 kuċċarini żejt, mgħarfa ġulepp tal-aġġru (maple syrup) u ¼ kuċċarina trab tal-kannella.
2. Butir tal-karawett u bżar cayenne – Ħallat 2 kikkri karawett ma’ 4 kuċċarini żejt, 2 mgħaref zokkor ismar u ⅛ kuċċarina bżar cayenne.
3. Butir tal-ġewż tal-anarkajdu (cashew nuts) u ġinġer – Ħallat 2 kikkri ġewż tal-anarkajdu ma’ 4 kuċċarini żejt u ¼ kuċċarina ġinġer mitħun.
4. Butir tal-ġellewż u ċikkulata – Ħallat 2 kikkri ġellewż ma’ 2 mgħaref żejt u 2 mgħaref ċikkulata skura mdewba.

Tista’ żżomm dan il-butir fil-friġġ sa ġimgħa. Ħawdu qabel tużah.

 Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.