Meta tqum tard filgħodu x’aktarx li jkollok ġuħ aktar minn meta tqum kmieni ħafna, u jista’ jkun li jkun qorob ħin l-ikel ta’ nofsinhar. Din ir-riċetta tagħmel ikla waħda mill-kolazzjon u l-ikla taż nofsinhar.
Ħin: 30 minuta
Isservi: 4 persuni
Ingredjenti:
- 300 g weraq tal-ispinaċi tari
- 25 g butir
- 8 listi bacon taż-żaqq (streaky), mingħajr ġilda
- 4 bajdiet
- Hollandaise/mayonnaise/salad cream
- 4 ħobżiet żgħar rotob
Tħejjija:
- Saħħan taġen kbir u żid il-weraq tal-ispinaċi. Ħawwad sakemm jibda jidbiel u poġġih f’passatur. Agħsar xi likwidu żejjed li jista’ jkun fih u poġġih fi skutella. Żid kuċċarina mill-butir, melħ u bżar, u ħawwad sakemm jinħall il-butir.
- Imsaħ it-taġen u ixwi l-bacon minn kull naħa sakemm jiħmar.
- Sadanittant, għalli kazzola bl-ilma u ofsoq il-bajd kemm jista’ jkun qrib l-ilma biex jibqa’ sħiħ. Għalli għal mhux iżjed minn 3 minuti biex l-isfar jibqa’ artab.
- Aqsam il-ħbejżiet u ixwihom. Idlek il-wiċċ bil-butir.
- Fuq kull qiegħ poġġi ftit weraq tal-ispinaċi, żewġ biċċiet bacon u bajda. Ifqa’ l-bajda biex jidher l-isfar u żid iz-zalza li se tuża fil-wiċċ.
- Għatti bil-wiċċ tal-ħobż u servi fil-pront.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.