Riċetta: Brownies taċ-ċikkulata u mascarpone

Chocolate and mascarpone brownies

Riċetta għal min ma jirreżistix iċ-ċikkulata, jew kif ngħidulhom: chocaholics!

Ħin: siegħa u 15-il minuta

Kwantità: 16

Ingredjenti:

  • 225 g butir
  • 85 g ċikkulata skura
  • 200 g zokkor
  • 60 g kawkaw
  • 125 g ġobon mascarpone
  • 3 bajdiet
  • ½ kuċċarina essenza tal-vanilla
  • 60 g dqiq
  • Niskata melħ

Għall-ganache:

  • 175 g ċikkulata skura
  • 100 ml krema doppja
  • 50 g butir

 

Tħejjija:

  1. Saħħan il-forn għal temperatura ta’ 165°C. idlek landa kwadra ta’ 20 ċm u iksi l-qiegħ bil-kartaforn.
  2. Biex tagħmel il-brownie: dewweb il-225 g butir u l-85 g ċikkulata banjumarija fi skutella. Żid iz-zokkor u għarbel il-kawkaw fuqhom u ħabbat sew; imbagħad żid u ħabbat il-ġobon mascarpone, il-bajd u l-vanilla sakemm ikollok taħlita lixxa. Għarbel id-dqiq u niskata melħ u daħħalhom bil-mod fit-taħlita.
  3. Ifrex it-taħlita fil-landa ppreparata u aħmi għal 45-50 minuta jew sakem stikka li ddaħħal f’nofs il-kejk toħroġ nadifa.
  4. Sakemm tibred il-brownie pprepara l-ganache. Dewweb il-175 g ċikkulata u l-50 g butir fi skutella banjumarija. Żid il-krema u ħabbat sakemm jitħallat kollox sew. Ferra’ l-ganache fuq il-brownie u llixxa l-wiċċ. Ħalli kollox jiksaħ u poġġi l-landa fil-friġġ sakemm tissoda l-ganache.
  5. Qatta’ f’porzjonijiet u servi.

Ippruvajtha din ir-riċetta ta' brownies taċ-ċikkulata u mascarpone? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!