Jiena nemmen li jekk ikollok riħ jew influwenza l-aħjar mediċina huwa l-brodu tat-tiġieġa. Hekk ukoll kienu jaħsbuha l-ġenituri, in-nanniet u l-bużnanniet tagħna.
Għal din ir-riċetta ħafifa ta’ brodu tat-tiġieġ tista’ tgħalli ftit għenuq jew għadam tat-tiġieġ mal-ħaxix minflok il-kwantità tal-istokk li hemm mal-ingredjenti, jiġifieri 1.5 litru ilma mal-għenuq/għadam, karrotta, basla, karfus u werqa tar-rand.
Ħin: 30 minuta
Isservi: 4 persuni
Ingredjenti:
- Basla, imqattgħa
- 2 izkuk tal-karfus, imqattgħin
- Karrotta, imqattgħa
- Werqa tar-rand
- 750 ml stokk tat-tiġieġ
- 750 ml ilma
- 150 g għaġin xgħir (risoni)
- 2 isdra tat-tiġieġ, mingħajr għadam, ġilda u xaħam, imqattgħin strixxi rqaq
- Bukkett weraq tal-ispinaċi tari
- Melħ oħxon u bżar mitħun frisk
Tħejjija:
- Poġġi l-ilma u l-istokk f’kazzola fuq nar moderat u żid il-basla, il-karfus, il-karrotta u l-werqa tar-rand.
- Meta tiftaħ tagħli baxxi n-nar, għatti l-kazzola u tektek għal 45 minuta, imbagħad neħħi minn fuq in-nar, saffi u żomm il-likwidu.
- Erġa’ poġġi l-likwidu fil-kazzola fuq nar moderat u żid it-tiġieġ. Għalli għal 6 minuti, imbagħad żid l-għaġin u sajjar skont il-bżonn. Fl-aħħar ftit minuti żid il-weraq tal-ispinaċi u għalli sakemm jidbiel.
- Żid il-melħ u l-bżar u servi fil-pront.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
