Riċetta: Blalen tal-banana u l-coconut bla zokkor u bla butir

Banana coconut balls: Blalen tal-banana u l-coconut bla zokkor u bla butir

Fuq it-televiżjoni din il-ġimgħa bdejt sensiela ta' riċetti ġodda bla zokkor ipproċessat u bla butir. Dawn il-blalen mhumiex tas-soltu għax taħmihom bħala blalen u mhumiex magħmulin minn kejk imfarrak. Ir-riżultat kien tajjeb u bħala tip ta' energy balls.

Għall-ħlewwa u zokkor mhux ipproċessat, poġġi l-golden raisins ġol-ilma għal siegħa mbagħad ipproċessat bil-hand blender sakemm it-taħlita tiġi lixxa.

Ingredjenti:

  • 2 kikkri dqiq
  • 2 kikkri coconut
  • ftit qtar vanilja
  • kikkra rkotta
  • 2 bananiet
  • 2 bajdiet
  • 150 g golden raisins imxarrba u mitħuna
  • 2 kikkri coconut biex trembel il-blalen

Tħejjija:

  1. Itħan l ewwel 6 ingridjenti flimkien. Żid il-golden raisins ipproċessati.
  2. Ifforma blalen u jekk hemm bżonn żid aktar coconut.
  3. Rembel il-blalen fil-coconut.
  4. Poġġi f'dixx miksi bil-kartaforn.
  5. Aħmi għal 15-il minuta 160 °C.
  6. F'nofs sajran, jekk ikun hemm bżonn, dawwarhom u rranġa l-forma qabel ma jagħqdu. 
  7. Ħallihom Jjksħu sew qabel ma tneħħihom minn minn ġod-dixx.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.