Toħroġ xi 35 biskuttin
Ingredjenti:
- 250 g lewż mitħun pur
- 20 g ħlewwa (aniseed)
- Nofs kuċċarina trab tal-imsiemer tal-qronfol
- 4 qatriet vanilja
- Nofs qoxra ta' larinġa maħkuka
- 50 g butir
- 125 g bajd (ofsqu u iżnu)
- 10 g baking powder
- 125 g zokkor
Metodu:
- Ħallat iz-zokkor u l-butir u kif jibda jibjad żid il-bajd, ftit ftit.
- Għarbel il-baking powder u ħallat miegħu l-ħlewwa, l-imsiemer tal-qronfol mitħunin, il-lumi u l-larinġ maħkuk, il-vanilja u fl-aħħar il-lewż.
- Ħejji pjanċa b'kartaforn. Imla piping bag b'bokkin plejn u ppajpja dwawar tondi fuq il-pjanċa.
- Aħmi f'temperatura ta' 190 °C jew Gas Mark 6 għal madwar 15-il minuta sakemm jieħdu ftit kulur.
- Kif jibirdu pprepara abjad ta' bajda u żid biżżejjed icing sugar biex ikun artab biżżejjed biex tippajpja. Żid ftit kulur u 2 qatriet meraq tal-lumi. Ipprepara qartas tal-karti u żejjen il-biskuttini tar-raħal.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
