Dawn il-biskuttini stil Taljan huma favoriti ma’ ħafna għal ma’ xi kikkra te jew kafè. Miżjudin bil-gallattini Oreo isiru irreżistibbli.
Ħin: siegħa u 15-il minuta
Tagħmel: 28 biskuttin
Ingredjenti:
- 1 kikkra zokkor
- ⅓ kikkra butir imdewweb
- 3 bajdiet
- 1 kuċċarina essenza tal-vanilla
- 3 kikkri dqiq, mgħarbul
- 1½ trab tal-ħami (baking powder)
- Niskata melħ
- 16-il gallettina Oreo, imkissrin
Metodu:
- Saħħan il-forn għal temperatura ta’180°C. Idlek tilar bi ftit butir maħlul.
- Ħabbat iz-zokkor u l-butir b’ħabbata tal-elettriku sakemm jidħlu sew f’xulxin. Żid il-bajd ftit ftit ma’ mgħarfa dqiq kull darba. Żid l-essenza tal-vanilla u kompli daħħal id-dqiq u t-trab tal-ħami. B’mgħarfa tal-injam ħawwad il-gallettini mat-taħlita.
- Aqsam it-taħlita fi tnejn. Ifforma kull biċċa f’bezzun ta’ 23ċm x 8ċm fuq it-tilar ippreparat.
- Aħmi għal 30-35 minuta, jew sakemm jibdew jieħdu lewn dehbi u stikka li ddaħħal fin-nofs toħroġ nadifa. Oħroġhom mill-forn u ħallihom jibirdu għal ftit minuti biss.
- Qatta’ kull bezzun fi 15-il biċċa djagonali, ta’ madwar 1ċm ħxuna. Poġġi l-biċċiet, bin-naħa maqtugħa ’l fuq fuq l-istess tilar. Aħmi għal 8-12-il minuta oħra fuq kull wiċċ sakemm jiħmaru ħafif.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
