Read this recipe in English: Recipe: Snails in wine
Il-bebbux huwa meqjus bħala platt tradizzjonali Malti, b’riċetti bħal stuffat tal-bebbux u bebbux bit-tewm. Illum se mmorru ftit għand il-ġirien tagħna t-Taljani biex naraw kif jippreparaw il-bebbux fin-naħa ta’ fuq tal-Italja, sewwasew fi Trentino Alto Adige. Għalkemm din ir-riċetta hija sempliċi, tirrikjedi ftit tal-ħin mhux ħażin biex tippreparaha.
Ħin : 3 sigħat
Ingredjenti
Għal 4 persuni
- 5kg bebbux
- 1 basla, imqatta’
- 1 sinniet tewm, imqattgħin irqiq
- Karfus
- 2 tazzi nbid aħmar
- 2 listi bacon, imqattgħin
- Ħxejjex aromatiċi
- Żejt taż-żebbuġa ekstra verġni
- Melħ u bżar mitħun frisk
Metodu
- Naddaf il-bebbux. Għallih fl-ilma għal 15-il minuta, naddfu minn ġewwa u qattgħu biċċiet.
- Saħħan ftit żejt f’kazzola u qalli l-basla, it-tewm u karfus, flimkien mal-bacon.
- Żid il-bebbux u l-inbid u ħalli l-inbid jevapora. Għatti kollox bl-ilma sħun u żid il-ħxejjex aromatiċi. Għatti l-kazzola u ħalli l-bebbux itektek bil-mod fuq nar baxx għal sagħtejn u nofs.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
