Riċetta: Blalen tal-karrotti u ‘coconut’

Carrot and coconut balls: Riċetta: Blalen tal-karrotti u ġewż

Read this recipe in English: Carrot and coconut balls

Għal xi raġuni jew oħra l-ħelu forma ta’ ballun jintgħoġob ħafna. Dawn il-blalen tal-karrotti u ġewż tal-indi għandhom jintgħoġbu aktar għax tagħmilhom f’tebqa t’għajn u la tixgħel il-forn u lanqas taqla’ borom.

 Ħin: 30 minuta

Isservi: kwantità 25-30

Ingredjenti:

  • 100 g ġewż tal-indi imnixxef (dessicated coconut)
  • 6 tamliet sħaħ, mingħajr għadma
  • 100 g lewz, inkaljat ftit
  • 65 g karrotti maħkukin
  • 60 ml għasel
  • ½ kuċċarina essenza tal-vanilla
  • Kuċċarina trab tal-kannella (cinnamon)
  • ½ kuċċarina msiemer tal-qronfol (cloves) mitħunin

 Tħejjija:

  • Neħħi 25 g mill-ġewż tal-indi u poġġih fuq platt ċatt.
  • Fi proċessur tal-ikel poġġi l-kumplament tal-ġewż tal-indi u l-ingredjenti l-oħra kollha, u ħallat kollox flimkien sew.
  • Ifforma t-taħlita fi blalen ta’ 2.5 ċm u gerbibhom fil-ġewż tal-indi fuq il-platt.
  • Poġġihom f’kontenitur jew platt ieħor u kessaħhom fil-friġġ għal ftit sigħat jew tul il-lejl.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.