Nippjanaw minn kmieni għall-festini u l-ikliet

Plan in advance for holiday parties and dinners Nippjanaw minn kmieni għall-festini u l-ikliet

Read this in English: Plan in advance for holiday parties and dinners

Meta nisimgħu jew ngħidu frażijiet bħal “ikla tal-Milied/l-Ewwel tas-Sena” jew “għandi l-mistednin” nimmaġinaw ħafna xogħol, ippjanar u perfezzjoni. Imma dan m’għandux għalfejn jaqtgħalna qalbna għax b’ippjanar u preparazzjoni tajba kollox għandu jmur kif mixtieq. F’dawn iż-żminijiet naqsmu mhux biss ir-rigali u l-ikel, imma l-kumpanija tal-ħbieb u l-familja, għalhekk li ninġabru u niċċelebraw għandha tkun xi ħaġa pjaċevoli u mhux stressanti.

Jekk qed tippjana ikla żomm f’moħħok dawn il-punti biex żgur ikollok suċċess:

  1. Agħżel l-ewwel il-platt prinċipali, imbagħad agħżel il-platti l-oħra biex toħloq bilanċ. Żomm f’moħħok li l-varjazzjoni, it-togħmiet, il-kulur u t-texture huma ċ-ċavetta għal ikla ta’ suċċess.
  2. Agħżel riċetti li taf li kapaċi tagħmel u li preferibbilment tkun diġà ppruvajt qabel. Staqsi lill-mistednin jekk hemmx xi ikel li ma jistgħux jieklu jew li ma jħobbux.
  3. Ippjana l-ħin. Ara u qassam il-ħin li jkollok bżonn dakinhar tal-ikla biex issaħħan u tagħmel l-aħħar preparamenti tal-platti.
  4. Aħseb biex tagħmel ix-xirja kmieni biex issib l-ingradjenti li tixtieq mingħajr ma jkollok tagħmel tibdil fil-pjan oriġinali tiegħek, u jkollok ħin ukoll għal xi oġġetti li tkun insejt.
  5. Fl-ikla inkludi platti sħan u platti kesħin biex tkun tista’ tipprepara wħud minnhom minn qabel.
  6. M’hemmx għalfejn issajjar kollox. Salamun affumikat, prosciutto u laħmijiet kesħin oħra servuti ma’ insalata attraenti huma eċċellenti bħala l-ewwel platt.
  7. Ara li għandek biżżejjed platti, pożati, tazzi, eċċ., għal kulħadd.
  8. Hu ħsieb li jkollok ix-xorb adattat għal qabel, waqt u wara l-ikel, u li tkessaħ minn qabel dak li għandu jkun servut kiesaħ.
  9. Biex tiffranka l-ħin u tkun tista’ tgawdi aktar il-kumpanija tal-mistednin, tiddejjaqx tixtri l-lest, bħal insalati, ħaxix, zlazi u deżerti. U jekk il-mistednin joffrulek l-għajnuna, aċċettaha bi tbissima.

X'taħseb dwar dan l-artiklu? Għidilna billi tħalli kumment jew ir-rating hawn taħtu agħfas share.