Ir-riċetta tat-Tlieta: Salamun immarinat bil-kuskus

Ir-riċetta tat-Tlieta: Salamun immarinat bil-kuskus

Dan is-salamun immarinat servut mal-kuskus huwa t-tieni minn sensiela ta’ riċetti ħfief li jgħaqqdu l-menù tal-ġimgħa. Araw l-erba’ riċetti l-oħra biex tippjanaw u tagħmlu x-xirja għalihom.

 

Preparazzjoni: 20 minuta

Ħin totali: 30 minuta + il-ħin tal-immarinar

Isservi: 4 persuni

 

Ingredjenti

  • Bukket kożbor frisk, mingħajr zkuk ħoxnin
  • 3 sinniet tewm, imqattgħin
  • 1-2 bżariet jalapeño jew serrano, imnaddfin u mqattgħin
  • Biċċa ta’ 4ċm ġinġer, imqaxxra u mqattgħa
  • 1 kuċċarina paprika
  • 1 kuċċarina kemmun mitħun
  • ¼ kikkra, u mgħarfa oħra, żejt taż-żebbuġa ekstra verġni
  • Qoxra maħkuka rqiq ta’ lumija
  • 2 mgħaref meraq tal-lumi
  • 4 biċċiet salamun (200g kull waħda)
  • 1 kikkra kuskus
  • Melħ oħxon u bżar mitħun frisk

 

Metodu

  1. Fi proċessur tal-ikel qatta’ rqiq flimkien il-kożbor, it-tewm, il-bżar, il-ġinġer, il-paparika u l-kemmun. Żid ¼ kikkra żejt taż-żebbuġa u l-meraq tal-lumi u kompli dawwar sakemm jitħallat kollox.
  2. Poġġi s-salamun fiq dixx ta’ 22ċm x 33ċm. Ogħrok iż-żewġ naħat tas-salamun bit-taħlita. Għatti u kessaħ għal 30 minuta.
  3. Saħħan il-forn għal temperatura ta’ 190°C.
  4. Aħmi s-salamun, mikxuf, sakemm jiċċara fil-kulur, madwar 12-14-il minuta.
  5. Sadanittant għalli kikkra ilma f’kazzola żgħira.
  6. Itfa’ l-kuskus fl-ilma, żid il-bżar u l-melħ u neħħi minn fuq in-nar. Għatti u ħallih joqgħod għal madwar 5 minuti.
  7. Tella’ l-kuskus b’furketta u żid miegħu l-qoxra maħkuka tal-lumija u mgħarfa żejt taż-żebbuġa. Servi s-salamun mal-kuskus.

 Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.