This recipe is also available in English: Chicken and sweet potato hand pies
Din ir-riċetta sempliċi hija l-aħħar waħda mill-ħames ikliet għall-familja. B’hekk inkunu ppreparajna ikla kuljum għall-ħamest ijiem ta’ matul il-ġimgħa mingħajr ħafna xogħol u telf ta’ ħin.
Ħin attiv: 15-il minuta
Ħin totali: 45 minuta
Ingredjenti
- Il-patata ħelwa li erfajt mill-ikla tat-Tlieta
- ½ kikkra krema doppja
- ¼ kuċċarina żerriegħa tal-kożbor, mitħuna
- ¼ kuċċarina kemmun, mitħun
- Dqiq
- 1 biċċa għaġina sfirjulata tal-friza, bil-friża mniżżla
- It-tiġieġ li erfajt mill-ikla tal-Erbgħa, imqatta’ biċċiet
- 1 bajda, imħabbta ħafif
- 450g fażola ħadra, imnaddfa
- Melħ oħxon u bżar mitħun frisk
- Saħħan il-forn għal temperatura ta’ 200°C.
- F’bieqja għaffeġ il-patata b’furketta. Żid il-krema, il-kożbor u l-kemmun. Żid ukoll melħ u bżar u ħawwad kollox flimkien.
- Roxx ftit dqiq fuq il-wiċċ li se taħdem fuqu. Iftaħ l-għaġina fil-kwadru bil-ġnub madwar 30ċm, u aqta’ f’4 kaxxi.
- Qassam it-taħlita tal-patata bejn l-erba’ biċċiet għaġina u ħalli bordura ta’ 1ċm mad-dawra vojt. Qassam it-tiġieġ bejn l-4 porzjonijiet ukoll. Idlek it-truf tal-għaġina bil-bajda mħabbta. Iġbed kantuniera tal-għaġina bil-mod għal fuq l-oħra tal-faċċata biex tifforma trijangolu. Agħfas it-truf tal-għaġina flimkien b’furketta. B’sikkina agħmel qasmiet fil-wiċċ tal-għaġina u idlek il-wiċċ bil-bajda.
- Poġġi t-tijangoli fuq tilar miksi bil-karta tal-forn u aħmi għal 30 minuta jew sakemm jiħmaru.
- Sadanittant, f’taġen kbir ferra’ 1ċm għoli ta’ ilma, żid ftit melħ u għalli l-fażola ħadra għal 5 minuti, mgħottija. Saffi l-fażola u servi mat-torti.
Ippruvajt din ir-riċetta? Kif sibtha? Għidilna billi tħalli kumment hawn taħt. Agħmel ukoll share u agħfas rating biex inkunu nistgħu inwasslulek aktar riċetti interessanti.