Read this recipe in English: Roast shoulder of pork with onion and fennel
Isservi: 8
Ingredjenti:
- 2kg spalla tal-majjal, mingħajr għadam u mgerba
- 2 mgħaref żejt taż-żebbuġa
- 2 kuċċarini melħ oħxon
- 1 kuċċarina żerriegħa tal-bużbież
- 20g butir
- 2 sinniet kbar tewm, misħuq
- 2 basliet tal-bużbież, imnaddfin u mqattgħin fit-tul
- 3 tuffiħat ħodor, mingħajr żerriegħa u mqattgħin flieli rqaq
- 355ml dry apple cider
Tħejjija:
- Saħħan il-forn għal 160°C. B’sikkina taqta’ fellel il-ġilda tal-majjal kull 2ċm. Ogħrok biż-żejt taż-żebbuġa, bil-melħ u biż-żerriegħa tal-bużbież.
- F’dixx li joqgħod fuq in-nar saħħan il-kumplament taż-żejt fuq nar għoli. Żid il-majjal u xawtu minn kull naħa għal madwar 8 minuti, sakemm jiħmar. Poġġi l-ispalla tal-majjal fi platt.
- Baxxi n-nar għal moderat u żid il-butir, it-tewm u l-basal tal-bużbież. Qalli għal 6-8 minuti sakemm jirtab il-bużbież. Żid it-tuffieħ u s-cider. Għalli t-taħlita u ħawwad għal minuta filwaqt li tobrox il-qiegħ tad-dixx b’mgħarfa tal-injam. Żid il-majjal u għatti bil-foil.
- Ixwi għal sagħtejn jew sakemm il-majjal ikun sar sewwa minn ġewwa u meta ddaħħal stikka jew sikkina l-meraq joħroġ ċar. Ħalli l-ispalla tal-majjal toqgħod għal 15-il minuta qabel isserviha flimkien mat-taħlita tal-bużbież.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
