Riċetta: Smoothie bil-banana, lewż u ħafur (oats)

Banana smoothie

Meta tara li fis-sħana tas-sajf il-banana qiegħda tiswied, itfagħha fil-friża. Żgur li se ssibilha użu aħjar f'xi smoothie milli tħalliha hemm biex imbagħad tarmiha. Biex tiffriża l-banana, l-ewwel neħħilha l-qoxra biex tkun lesta biex titfagħha fil-blender dritt minn ġol-friża. Geżwer il-banana fis-cellophane qabel tpoġġiha fil-friża.

Isservi: 1 abbundanti

Ingredjenti:

  • 2 imgħaref ħafur (oats)
  • 2-3 imgħaref misħun (kemm tiksi l-ħafur)
  • Kikkra ħalib mil-lewż mhux miżjud zokkor (unsweetened almond milk)*
  • nofs kuċċarina vanilja
  • banana mqattgħa flieli (slices)
  • Mgħarfa butir mil-lewż (almond butter)
  • Mgħarfa agave nectar jew ħlewwa oħra bħall-għasel
  • Kuċċarina żerriegħa taċ-chia niexfa

* Minflok tista' tbiddel b'1/3 ta' kikkra ħalib tal-ġewża tal-Indi (coconut milk) u 2/3 ta' kikkra ħalib mil-lewż (almond milk)

 Tħejjija:

  1. Poġġi l-ħafur ġo skutella mal-misħun u ħallih sakemm isir (madwar 15-il minuta).
  2. Poġġi l-ingredjenti kollha ġol-blender (bil-ħafur b'kollox) u ħawwad għal madwar minuta b'veloċità għolja.
  3. Servi immedjatament.

Ippruvajtha din ir-ricetta ta' smoothie bil-banana, lewż u ħafur ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.