Ikel Tradizzjonali Malti: Fenek fil-birra

Riċetta: Fenek fil-birra

Il-fenek huwa poplari ħafna mal-Maltin u l-Għawdxin, kif ukoll mat-turisti li jżuru dawn il-gżejjer. Huwa meqjus bħala ikel tradizzjonali Malti u għalhekk issibu fuq il-menù ta’ ħafna ristoranti, il-biċċa l-kbira stuffat jew moqli – riċetti li baqgħu magħna tul is-snin, imma l-fenek jista’ jissajjar b’ħafna modi u ingredjenti differenti.

 

Ingredjenti

Għal 4 persuni

  • 3-1.5kg fenek, imqatta’ porzjonijiet
  • 1 mgħarfa melħ oħxon
  • ½ kikkra dqiq,
  • 2 mgħaref żejt taż-żebbuġa
  • 2 mgħaref butir
  • 2 basliet, imqattgħin għat-tul
  • 6 sinniet tewm, imqaxxar
  • ½ kuċċarina timu
  • 1 ½ kikkra birra
  • ½ kikkra stokk tat-tiġieġ
  • ½ kuċċarina melħ
  • ½ kuċċarina bżar mitħun frisk
  • Zokk ta’ karfusa, imqatta’
  • 2 kuċċarini mustarda wholegrain
  • 2 kuċċarini zokkor ismar
  • 1 mgħarfa tursin frisk, imqatta’

 

  1. Ifrex il-biċċiet tal-fenek fuq platt kbir u roxxu bil-melħ oħxon. Ħallih hekk għal bejn nofs siegħa u siegħa.
  1. Poġġi d-dqiq fi platt u gerbeb il-biċċiet tal-fenek fih. Saħħan iż-żejt u l-butir fuq nar medju f’borma jew kazzola wiesgħa biżżejjed li joqogħdu l-biċċiet tal-fenek f’saff wieħed. Kif il-butir jibda’ jbaqbaq poġġi l-biċċiet tal-fenek ħdejn xulxin, aqlihom għal 5-6 minuti fuq naħa waħda, imbagħad dawwarhom fuq in-naħa l-oħra għal5-6 minuti oħra. Tellagħhom u poġġihom fuq platt.
  1. Fil-kazzola itfa’ l-basal u qalli sakemm jibda jirtab. Ħawwad u obrox il-fdalijiet tal-fenek minn mal-qiegħ int u ssajjar il-basal.  Żid it-tewm, il-karfus u t-timu, u sajjar sakemm isir il-basal.
  1. Għolli n-nar u ferra’ l-birra fuq il-basal. Tektek għal 2 minuti, imbagħad żid l-istokk. Żid il-bżar u l-melħ.
  1. Poġġi l-biċċiet tal-fenek f’saff wieħed fuq il-basal u ħallih jibda jbaqbaq, imbagħad baxxi n-nar, għatti l-kazzola u tektek fuq nar bati għal 45 minuta jew sakemm isir sew il-fenek.
  1. Tella’ l-fenek mill-kazzola u żommu għas-sħana. Għolli n-nar u ħalli l-likwidu jinxtorob b’terz. Baxxi n-nar u żid il-mustarda u z-zokkor. Żid aktar melħ u bżar jekk ikun hemm bżonn.

 

Servi ma’ ħobż frisk, spagetti jew ross u żejjen bit-tursin.