Ir-riċetta tal-Ġimgħa: Pulpetti tar-ross bit-tadam mixwi u r-rukola

rice tomato burgers Pulpetti tar-ross bit-tadam mixwi u aruka (rucola)

ruDin hija l-aħħar riċetta minn sensiela ta’ ħames riċetti ħfief għal matul il-ġimgħa, li tuża r-risotto mir-riċetta tal-Erbgħa (ħolqa aktar ’l isfel). Ara l-erba’ riċetti l-oħra u, jekk tiddeċiedi li tippruvahom, għandek issib il-lista tax-xirja fl-aħħar tas-sensiela.

 

Preparazzjoni: 30 minuta

Ħin totali: 30 minuta + ħin biex tkessaħ

Isservi: 4 persuni

 

Ingredjenti

  • 4 kikkri risotto bil-kurrat, piżelli u bacon, kiesaħ 
  • 55g mozzarella friska, maqsuma fi 8 dadi
  • Dqiq, biex troxx
  • 1kg tadam ċirasa (cherry tomatoes)
  • 4 friegħi sagħtar
  • 1 mgħarfa żejt taż-żebbuġa ekstra verġni
  • Melħ oħxon u bżar mitħun frisk
  • 1/3 kikkra żejt veġetali
  • 2 bukketti rukola, mingħajr iz-zkuk il-ħoxnin

 

Metodu

  1. Saħħan il-forn għal temperatura ta’ 230°C.
  2. Ifforma r-risotto fi 8 blalaen. Daħħal biċċa mozzarella fin-nofs ta’ kull ballun u ċċattja l-blalen biex tagħmel pulpetti ta’ 1.5ċm ħxuna (ara li l-mozzarella titgħatta kollha).
  3. Dawwar il-pulpetti fid-dqiq u poġġihom fuq tilar. Kessaħ għal 15-il minuta.
  4. Sadanittant ħallat it-tadam maż-żejt taż-żebbuġa, is-sagħtar u melħ u bżar f’dixx. Ixwi sakemm it-tadam jibda jinfaqa’, madwar 20 minuta.
  5. Saħħan iż-żejt veġetali f’taġen kbir fuq nar medju sakemm jibda jfexfex meta titfa’ ponta dqiq.
  6. Erġa’ roxx il-pulpetti bid-dqiq u farfar iż-żejjed.
  7. Aqli l-pulpetti f’żewġ tefgħat sakemm jiħmaru u jisħnu minn ġewwa, madwar 10 minuti kull darba.
  8. Dawwarhom fil-karti tal-kċina biex tneħħi ż-żejt żejjed. Servi l-pulpetti mat-tadam mixwi u r-rukola.

 Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.