Dawn ir-wraps b'mili veġetali huma ideali għal min ma jikolx laħam. Iżda tista’ żżid ukoll ingredjenti bħal tonn taż-żejt, salamun affumikat jew tiġieġ imsajjar.
Ħin: 25 minuta
Isservi: 4 persuni
Ingredjenti:
- 2 mgħaref ħall tas-sidru (cider vinegar)
- Mgħarfa żejt veġetali
- Niskata bżar cayenne
- 2 kikkri kaboċċa ħamra, imqattgħa rqiq
- Karrotta mdaqqsa, maħkuka
- Mgħarfa nagħniegħ frisk, imqatta’
- 400 g fażola bajda tal-bott, imsaffija u mlaħalħa
- Avokado misjura, imqaxxra u mqattgħa
- ½ kikkra ġobon cheddar, maħkuk oħxon
- 2 mgħaref basal aħmar, imqatta’ rqiq
- 4 wholemeal wraps ta’ 25 ċm dijametru
- Melħ
Tħejjija:
- Ġo skutella ħabbat flimkien il-ħall tas-sidru, iż-żejt, il-bżar cayenne u melħ.
- Żid il-kaboċċa, il-karrotti u n-nagħniegħ u ħallat kollox sew flimkien.
- Ġo skutella oħra għaffeġ il-fażola u l-avokado flimkien b’furketta.
- Żid il-ġobon cheddar u l-basal u ħawwad kollox flimkien.
- Biex tgħaqqad ir-wraps: ifrex ir-wraps ċatti u qassam it-taħlita tal-avokado u fażola bejniethom mingħajr ma twassalha sat-truf, imbagħad ifrex bl-istess mod it-taħlita tal-kaboċċa u karrotti.
- Agħlaq billi tilwi l-ġnub u tgerbeb issikkat. Aqsam ir-wraps min-nofs u servi.
Għoġbitek din ir-riċetta? Għidilna billi tħalli l-kummenti tiegħek hawn taħt u agħmel ir-rating tiegħek u share biex inkomplu nwasslulek aktar riċetti li jogħġbuk.
If you'd like to read this recipe in English, do let us know!
