Il-fażola tepary hija fażola żgħira, kannella jew bajda, li tikber fil-Lvant tal-Amerika u l-Messiku. Din il-fażola hija waħda mill-iktar prodotti li jifilħu għan-nixfa u huma mkabbrin f’dan l-ambjent fid-deżert Sonora u n-Nofsinhar tal-Arizona, f’temperaturi għoljin u sjuf xotti. Din il-fażola għanja fil-proteini hija parti integrali mid-dieta tat-tribujiet nattivi fl-Arizona.
F’din ir-riċetta se nużaw il-fażola tepary l-bajda, li għandha togħma xi ftit ħelwa. Il-purée mhix ikla prinċipali imma tista’ tkun kontorn b’sors ta’ proteina minflok il-patata maxx. Dan il il-purée jżomm fil-friġġ għal ftit jiem, imma jkollok bżonn iżżidu bil-likwidu tiegħu, ilma jew ħalib meta ssaħħnu.
Isservi: 6-8 persuni
Ingredjenti:
- 225 g fażola tepary jew fażola żgħira bajda, imxarrba tul il-lejl
- Basla, maqsuma min-nofs
- 2 sinniet tewm kbar, misħuqin
- Werqa tar-rand
- 2 friegħi sagħtar (thyme)
- Melħ
- 340 g patata, imqaxxra u mqattgħa dadi kbar
Biex troxx fuq il-purée (jekk trid)
- 2 imgħaref żejt extra verġni
- ½ kuċċarina frak tal-bżar aħmar (felfel) niexef
- 2 sinniet tewm, misħuqin
Tħejjija:
- Saffi l-fażola u poġġiha f’kazzola kbira ma’ litru ilma, il-basla u t-tewm.
- Meta jibda jagħli bil-mod żid il-werqa tar-rand u s-sagħtar, għatti, baxxi n-nar u tektek għal 30 minuta.
- Żid il-melħ u kompli tektek għal 30 minuta oħra.
- Żid il-patata u tektek għal 30-60 minuta, sakemm il-patata u l-fażola jirtabu ħafna.
- Tella’ l-basla, il-werqa tar-rand u s-sagħtar mit-taħlita.
- Saffi l-patata u l-fażola f’passatur fuq skutella kbira.
- Poġġi t-taħlita fi proċessur tal-ikel, żid ½ kikkra mil-likwidu tagħhom stess u itħan sakemm it-taħlita ssir kremuża. Żid il-melħ u l-bżar.
- Poġġi t-taħlita fi skutella wiesgħa. Żid aktar likwidu jekk tridha aktar immerrqa. Serviha taħraq jew sħuna.
- Jekk trid troxxha, saħħan iż-żejt taż-żebbuġa f’taġen żgħir u żid it-tewm u l-bżar imfarrak. Tektek għal 30 sekonda, neħħi minn fuq in-nar u ifrex it-taħlita fuq il-purée.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
