Dawn huma ingredjenti komuni fil-kċina Maltija imma meta jitħalltu flimkien jagħmlu soppa tassew speċjali.
Ingredjenti:
- basla
- 100 g għadds oranġjo
- ċentinarja (imqaxxra u maħkuka)
- sinna tewm kbira jew tlieta żgħar (maħkuka)
- erba' mgħaref nagħniegħ frisk (żomm tnejn biex iżżejjen il-wiċċ)
- 1/4 ta' kuċċarina nagħniegħ niexef
- melħ u bżar
- żewġ litri ilma
- żewġ imgħaref ġbejna bajda maħkuka għall-wiċċ
Tħejjija:
- Poġġi l-ilma fuq in-nar. Żid il-basla mqattgħa biċċiet żgħar.
- Ħokk it-tewm u żid mal-borma.
- Żid l-għadds u wara ċ-ċentinarja maħkuka.
- Żid nofs in-nagħniegħ frisk u niexef.
- Meta jibda jagħli l-ilma naqqas in-nar.
- Ħallih itektek għal xi 35 minuta, skont kif jogħġbok il-ħaxix.
- Jekk tħobbu artab ħafna ħallih għaxar minuti oħra.
- Itfi n-nar u ħalli kollox jibred.
- Uża hand blender biex titħan is-soppa imma mhux li tiġi lixxa kompletament.
- Żejjen bil-bqija tan-nagħniegħ frisk u ftit ġbejna iebsa maħkuka fil-wiċċ.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
