Iż-żrieragħ taċ-chia (chia seeds) saru popolari ħafna biex jgħinu fiż-żamma tal-piż peress li jnaqqsu l-aptit u jġegħeluk tħossok mimli iktar malajr.

Iżda barra minn hekk, iż-żrieragħ taċ-chia huma tajbin ħafna għas-saħħa wkoll. Jgħinu biex tikkontrolla l-pressjoni għolja kif ukoll iz-zokkor fid-demm. Fihom ukoll l-Omega-3, tip ta' xaħam li jgħin kontra l-artrite u l-mard tal-qalb. 

Tista' tiekol dawn iż-żrieragħ f'kull xorta ta' ikel, idealment mal-insalati jew ma xi smoothie, u m'hemmx għalfejn titħanhom qabel għax huma faċli biex tiddiġerihom.

Isservi: 1-2

Enerġija: 285 kalorija

Ingredjenti:

• Kikkra mimlija berries tal-friża mħalltin
• 2/3 ta' kikkra ħalib tal-ġewż tal-Indi (coconut milk)
• 1/2 banana 
• Kuċċarina żrieragħ taċ-chia (chia seeds) 
• Mgħarfa meraq tal-larinġ frisk
• Kuċċarina meraq tal-lime
• 1/4 ta' kuċċarina trab tal-kannella (ground cinnamon) jew skont il-gosti
• Kuċċarina ħlewwa (agave nectar, maple syrup jew għasel)

Tħejjija:

1. Poġġi l-ingredjenti kollha ġo blender u ħawwad fuq veloċità għolja għal madwar minuta.
2. Jekk iddejqek is-sensazzjoni taż-żrieragħ f'ħalqek, għaddi t-taħlita minn ġo passatur fin qabel isservi.
3. Servi immedjatament. 

Ippruvajtha din ir-ricetta ta' 'Smoothie' tal-frott u l-lewż biċ-'chia'? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.