Ingredjenti:
- 500 g mussels iffriżati
- 200 g ross Arborio
- Mgħarfa turmeric (żagħfran tal-Indja)
- 150 g basal imqaxxar u mqatta'
- 2 sinniet tewm
- Mgħarfa tursin imqatta'
- Mgħarfa nagħniegħ frisk imqatta'
- Nofs kuċċarina nagħniegħ niexef
- Żejt taż-żebbuġa
- 2 mgħaref krema light
- Bżar mitħun frisk u ftit melħ jekk trid
Tħejjija:
- Segwi d-dettalji li hemm miktuba fuq il-pakkett tal-mussels tal-friża għal kif issajjarhom.
- Saħħan iż-żejt f'taġen. Żid il-basal, it-tewm, in-nagħniegħ frisk u niexef u sajjar għal 5 minuti fuq nar baxx.
- Żid iż-żagħfran tal-Indja, ħawwad u sajjar għal minuta. Żid ir-ross u ħawwad biex tiksih biż-żejt. Sajjar għal 5 minuti fuq nar baxx. Żid l-istokk ftit ftit. Kull xħin jinxtorob l-istokk żid ftit ieħor u ħawwad. In-nar għandu bżonn jibqa' baxx.
- Ibqa' żid l-ilma ftit ftit sakemm isir ir-ross. Trid toqgħod miegħu. Wara xi 20 minuta ibda naqqas l-ammont ta' likwidu li tkun qed iżżid. Ibqa' ħawwad u xħin ir-ross jirtab u jsir kremuż ikun sar. Żid il-krema light. Żid il-mussels u ħalli ftit biex iżżejjen il-wiċċ flimkien ma' ftit nagħniegħ u tursin.
- Servi.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
