Dawn il-pulpetti veġetarjani tista’ tużahom b’modi differenti – tista’ sservihom ma’ insalata bħala ikla ħafifa, jew fi ħbejża ratba biex ikollok veggie burger, u tista’ sservihom ukoll bħala l-ewwel platt. Huma adattati ħafna għal dawk it-tfal li ma jħobbux jieklu l-ħaxix.
Ħin: siegħa u 10 minuti
Kwantità: 12
Ingredjenti:
- 75 g quinoa (mlissna kin-wa)
- 250 ml ilma jagħli
- 300 g fjuretti tal-pastard
- 150 g piżelli tal-friża, bil-friża mniżżla
- 2 bajdiet
- 130 g irkotta
- 80 ml ħalib
- 80 g dqiq
- Kuċċarina żerriegħa tal-kemmun mitħuna
- Mgħarfa qxur tal-lumi, maħkuk irqiq
- 2 imgħaref tursin frisk, imqatta’
- 2 imgħaref nagħniegħ frisk imqatta’
- 2 imgħaref żejt taż-żebbuġa
- 200 ml jogurt naturali
- 100 g weraq tar-rucola tari
- Flieli tal-lumi, biex isservi
Tħejjija:
- Poġġi l-quinoa fi skutella żgħira u ferra’ fuqha l-ilma jagħli. Ħalliha toqgħod għal 5 minuti, imbagħad tellagħha b’furketta.
- Sadanittant għalli l-pastard għal 4 minuti, żid il-piżelli u kompli għalli għal 2 minuti oħra. Saffi l-ħaxix u għaffġu ftit b’furketta.
- Fi skutella kbira ħabbat flimkien l-irkotta, il-ħalib u l-bajd sakemm ikollok taħlita kremuża.
- Bil-mod żid ukoll id-dqiq u l-kemmun mitħun.
- Żid il-quinoa, il-pastard u l-piżelli, il-qxur tal-lumi, it-tursin u mgħarfa min-nagħniegħ, u ħawwad kollox flimkien sew.
- Saħħan iż-żejt f’taġen kbir fuq nar moderat.
- Aqbad mgħarfa mburġata mit-taħlita għal kull pulpetta, ifforma l-pulpetti bl-imgħarfa waqt li jkunu fit-taġen u aqlihom għal 3-4 minuti. Dawwarhom fuq il-wiċċ l-ieħor u aqlihom għal 3-4 minuti oħra jew sakemm jieħdu kulur dehbi.
- Fi skutella żgħira ħallat l-imgħarfa nagħniegħ li jkun fadal mal-jogurt. Servi l-pulpetti mal-weraq tar-rucola, il-jogurt u flieli tal-lumi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
