Jekk għandek f’moħħok li ssajjar xi tiġieġa, majjal jew ħut u ma tafx x’se sservi miegħu, din ir-riċetta ta’ karrotti bis-sagħtar tmur magħhom kollha.
Ingredjenti
Għal 4 persuni
- 680g karrotti, maqsumin min-nofs għat-tul jekk huma ħoxnin, u mqattgħin biċċiet ta’ 1ċm
- 1 mgħarfa butir
- 4 friegħi sagħtar (thyme) frisk
- ½ kikkra ilma
- Melħ oħxon u bżar mitħun frisk
Metodu
- F’taġen kbir ħallat flimkien il-karrotti, il-butir, is-sagħtar u l-ilma, u roxx bil-bżar u l-melħ.
- Poġġi t-taġen fuq nar għoli. Meta t-taħlita tibda tagħli baxxi ftit in-nar u kompli qalleb kultant sakemm jinxtorob il-likwidu kollu u l-karrotti jirtabu; madwar 7-9 minuti.
Ippruvajt din ir-riċetta? Kif sibtha? Għidilna billi tħalli kumment u r-rating hawn taħt u agħfas share.
