Dan huwa kejk ieħor ħafif u ta' malajr!
Ingredjenti:
- 125 g butir
- 125 g zokkor
- 200 g dqiq self raising
- 3 bajdiet
- 2 zunnarijiet maħkuka
- Mgħarfa ħalib
- 25 g buttuni taċ-ċikkulata skura
- Mgħarfa kokotina
- Kuċċarina baking powder
- Ponta ta' kuċċarina noce moscata
Għandek bżonn landa ta' 20 ċm, imdellka bi ftit butir jew miksija bil-kartaforn
Metodu:
- Saħħan il-forn għal 170 °C
- Poġġi l-butir ġo skutella
- Żid iz-zokkor
- Uża mixer biex tħallat il-butir u z-zokkor u ħawwad sakemm it-taħlita tiġi bajda.
- Żid il-bajd.
- Għarbel id-dqiq, il-baking powder u l-kokotina flimkien.
- Żid l-ingredjenti kollha minbarra t-taħlita tad-dqiq
- Uża mgħarfa u żid id-dqiq bil-mod il-mod.
- Tħawwadx ħafna.
- Ferragħ ġo dixx u aħmi għal nofs siegħa sakemm isir minn ġewwa u jieħu ftit kulur.
Ippruvajtha din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
