Kultant ma jkollokx aptit issajjar u tkun tixtieq tagħmel xi ħaġa ta' malajr. B'din ir-riċetta tista' tittrasforma l-patata croquettes tal-pakket f'ikla iktar interessanti. Ipprova din ir-riċetta għal insalata tal-patata croquettes bħala ikla kompluta jew bħala parti minn platt prinċipali.

Isservi: 4 persuni

Ingredjenti: 

• Pakkett patata mini croquettes tal-McCain
• 3-4 strixxi bacon imqatta'
• 1/3 kikkra basla mqatta'
• 1/3 kikkra mayonnaise
• 3 imgħaref ħall (cider vinegar)
• Mgħarfa zokkor
• 1/2 kikkra bżar aħmar ħelu (bell pepper) mqatta'
• 1/2 kikkra karfus mqatta' strixxi rqaq (celery)
• 2 imgħaref tursin imqatta'
• Spinaċi frisk biex isservi

Tħejjija:

1. Sajjar il-mini croquettes skont l-istruzzjonijiet ta' fuq il-pakkett. 
2. Saħħan taġen ta' madwar 25 cm fuq nar medju-baxx. Sajjar il-bacon u l-basla sakemm il-bacon ikun sar.
3. Żid il-patata. Għatti t-taġen u sajjar il-patata fuq nar baxx għal madwar 5 minuti, ħawwad darba. Il-patata m'hemmx għalfejn tismar. Neħħi minn fuq in-nar u warrab.
4. Ġo skutella ħawwad il-mayonnaise, il-ħall u z-zokkor.
5. Ħawwad it-taħlita mal-patata u żid il-bżar aħmar ħelu, il-karfus u t-tursin. Ħawwad sew.
6. Servi sħun jew għat-temperatura tal-kamra fuq l-ispinaċi frisk.