L-ignocchi tista’ tippreparahom sa jumejn qabel tużahom; kemm terġa’ titfagħhom fl-ilma jagħli biex issaħanhom. Tista’ wkoll tiffriża l-ignocchi nejjin billi tpoġġihom fuq tilar miksi bil-kartaforn, tiffriżahom għal ġurnata, imbagħad tpoġġihom f’borża fil-friża.
Ħin: siegħa u 10 minuti
Isservi: 6 persuni
Ingredjenti:
Għaz-zalza:
- 1 mgħarfa butir
- 180g prosciutto, imqatta’ dadi żgħar
- 1 bżaru aħmar (capsicum), imqatta’ rqiq
- 2 sinniet tewm, imqattgħin irqiq
- 375ml passata tat-tadam
- 180ml krema singla
- ¼ kikkra ġobon Parmiġġan, maħkuk
- Basla, imqattgħa rqiq
- Ponn weraq tal-ħabaq , imqatta’
Għall-ignocchi:
- 310g irkotta
- Ponn weraq tal-ħabaq, imqatta’
- ⅓ kikkra ġobon Parmiġġjan, maħkuk
- 1 bajda
- Melħ u bżar mitħun frisk
- 375g dqiq, u aktar biex troxx
Metodu:
- Iz-zalza – dewweb il-butir f’taġen u qalli l-prosciutto u l-basla għal 3 minuti. Żid it-tewm u kompli qalli għal minuta oħra. Ferra’ l-passata tat-tadam u, meta tiftaħ tagħli, baxxi n-nar u tektek għal 15-il minuta. Żid il-krema, il-ħabaq u l-parmiġġan u ħalliha fuq in-nar sakemm terġa’ tisħon. Għatti u żomm sħuna.
- L-ignocchi – poġġi l-irkotta, il-bajda, il-ġobon Parmiġġan, il-ħabaq, melħ u bżar fi proċessur tal-ikel u dawwar sakemm jitħalltu l-ingredjenti. Żid id-dqiq u kompli dawwar sakemm jidħol fit-taħlita u tifforma għaġina. Poġġi l-għaġina fuq wiċċ bid-dqiq u aħdimha sakemm tillixxa. Ifforma l-għaġina fi blalen żgħar daqs boċċa, imbagħad b’furketta ppressa fuq il-ballun filwaqt li tobrom il-ballun biex toħloq effett ta’ linji fuq l-ignocchi. Għalli borma kbira ilma bil-melħ u itfa’ nofs l-ignocchi. Għalli għal 2-3 minuti u tellagħhom b’mgħarfa mtaqqba. Għalli bl-istess mod it-tieni nofs tal-ignocchi.
- Qassam l-ignocchi bejn il-platti u ifrex fuqhom iz-zalza. Servi fil-pront.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
