Riċetta ħafifa, ta' malajr imma bnina.
Ingredjenti:
- Kilo tadam frisk
- 600 g fettuccine
- Basla mdaqqsa
- Sinna tewm
- Kuċċarina rignu niexef
- 6 biċċiet 'bacon', imqattgħin u msajrin
- Ponn tursin frisk
- Mgħarfa żejt taż-żebbuġa
Tħejjija:
- Qaxxar il-basla u t-tewm u qattagħhom żgħar.
- Qaxxar it-tadam u qattgħu biċċiet.
- Poġġi t-tadam, il-basla, it-tewm u l-'bacon' flimkien mal-ħwawar ġo skutella u ħawwad kollox flimkien.
- Sajjar ġo borma fiż-żejt taż-żebbuġa fuq nar baxx għal nofs siegħa.
- Sajjar il-fettuccine skont l-istruzzjoni fuq il-pakkett.
- Ħallat maz-zalza.
- Għall-wiċċ ftit ġbejna maħkuka, bejken u tursin imqatta' rqiq.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jogħġbuk.
