Riċetta perfetta għall-ewwel platt, speċjalment jekk m’għandekx ħafna ħin għax joħdulek biss ftit minuti biex tlesti.
Ħin: 15-il minuta
Isservi: 4 persuni
Ingredjenti:
- 2 avokados kbar misjurin
- 3 bottijiet ta’ 170 g laħam tal-granċ abjad
- 125 ml mayonnaise
- Mgħarfa ketchup
- ½ kuċċarina Worchestershire sauce
- Mgħarfa żejt taż-żebbuġa
- Mgħarfa ħall tal-inbid abjad
- Basla żgħira, imqattgħa rqiq ħafna
- 2 imgħaref tursin frisk, imqatta’ rqiq
- Melħ u bżar mitħun frisk
- Mgħafa meraq tal-lumi
- Paprika, biex iżżejjen
Tħejjija:
- Saffi l-laħam tal-granċ u agħsar il-likwidu żejjed minnu. Poġġih fi skutella.
- Fi skutella oħra ħallat il-mayonnaise, il-ketchup, il-Worchestershire sauce, iż-żejt taż-żebbuġa, il-ħall, il-basla, it-tursin, il-meraq tal-lumi u melħ u bżar.
- Aqsam l-avokado mit-tul u aqla’ l-għadam min-nofs.
- B’mgħarfa aqla’ ftit mill-ġewieni ta’ kull nofs avokado, qattgħu biċċiet żgħar u żidu mat-taħlita.
- Żid ukoll il-laħam tal-granċ u ħallat kollox sew.
- Imla t-toqob tal-avokado u mborġaha sew biex tuża t-taħlita kollha. Roxx ftit paprika fil-wiċċ u servi ma insalata.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
