Smajna kemm-il darba li l-kolazzjon huwa l-iktar ikla importanti tal-ġurnata. Iżda ħafna drabi, bil-ġenn li jkollna filgħodu biex inlestu u nitilqu 'l barra mid-dar, jew ninsew jew ma nagħtux kas.

Kemm jekk int student mgħaġġel biex taqbad tal-linja għax ma tafx fi xħin se tgħaddi, kemm jekk int ġuvni toqgħod waħdek u forsi dejjem tqum daqsxejn tard, kemm jekk int omm trid tħeġġeġ lil uliedek biex jieħdu xi ħaġa qabel twassalhom l-iskola ... hemm diversi raġunijiet għaliex, mingħajr ma taf kif, tispiċċa tibqa' bi stonku vojt.

Iżda minn studji li saru jidher ċar li l-kolazzjon jaffettwa s-saħħa b'mod sostanzjali. Il-ġisem ikun ilu madwar 12-il siegħa sajjem matul il-lejl wara l-ikla ta' filgħaxija, mela filgħodu jkollu bżonn l-enerġija. L-istudji juru kif min jiekol il-kolazzjon kull filgħodu jgawdi saħħa aħjar, iktar konċentrazzjoni u jżomm iktar il-piż għax il-metaboliżmu jgħaġġel iktar.

Mela jekk qiegħed taqbeż il-kolazzjon biex mingħalik tonqos, ħażin qiegħed tagħmel. Imma l-maġġoranza tan-nies jaqbżu l-kolazzjon għax m'għandhomx ħin jew paċenzja. Is-soluzzjoni hija li tagħżel kolazzjon iktar sempliċi u konvenjenti.

Illum insibu diversi prodotti magħmulin b'ingredjenti ideali għall-kolazzjon, pereżempju l-gallettini BelVita, li huma maħsubin biex jilħqu dan il-għan u saħansitra jżommuk sa nofsinhar. L-isbaħ ħaġa hija li tista' tiftaħ pakkett u tieklu waqt li tkun fuq tal-linja, jew imwaħħal fit-traffiku, jew fl-uffiċċju mal-ewwel kikkra te. Biex ikollok kolazzjon iktar varjat u nutrijenti, dejjem aħjar iżżid ftit frott u jogurt mal-ikla.

X'taħseb dwar dan l-artiklu? Int tiekol il-kolazzjon kull filgħodu? Għidilna billi tħalli kumment jew ir-rating hawn taħtu agħfas share.