Platti li tippreparahom f’nofs siegħa jew siegħa jagħmlu l-ħajja aktar faċli fil-ġranet ta’ matul il-ġimgħa. Din ir-riċetta biċ-ċanga, flieli tal-patata u insalata hija t-tieni waħda minn sensiela ta’ ħamsa.
Ħin attiv: 15-il minuta
Ħin totali: 45 minuta
Ingredjenti
- 350kg patata ħelwa (madwar 6), imqaxxra u maqtugħa fi flieli ta’ 12mm
- 1 basla ħamra kbira, maqtugħa fi flieli ta’ 12mm
- 4 kuċċarini żejt taż-żebbuġa eksta verġni
- Melħ oħxon u bżar mitħun frisk
- 2 kuċċarini ħall tal-inbid aħmar
- 1 kuċċarina mustarda Dijon
- 1 mgħarfa xalotta, imqattgħa rqiq
- 1 kuċċarina żejt veġetali
- 680g kustilji taċ-ċanga mingħajr għadma u xaħam, maqtugħa f’4 biċċiet
- 2 kikkri weraq tat-tursin
- Saħħan il-forn għal temperatua ta’ 200°C.
- F’bieqja kbira ħallat flimkien il-patata, il-basla u 2 kuċċarini żejt taż-żebbuġa. Żid il-melħ u l-bżar.
- Poġġi l-ħaxix saff wieħed fuq tilari miksijin bil-karta forn u aħmi għal 25-30 minuta jew sakemm jirtab. Jekk it-tilari qegħdin fuq xkafef differenti fil-forn, dawwarhom kontra meta jkunu nofs sajran. Minn dan il-ħaxix erfa’ 2 kikkri għall-ikla tal-Ġimgħa.
- Sadanittant, f’bieqja ħabbat 2 kuċċarini żejt taż-żebbuġa, il-ħall, il-mustarda u x-xalotta. Żid ftit melħ u bżar.
- F’taġen kbir b’qigħ oħxon saħħan iż-żejt veġetali fuq nar medju. Roxx il-laħam bil-melħ u l-bżar.
- F’darbtejn, sajjar iċ-ċanga sakemm tiħmar, 3-5 minuti fuq kull naħa jekk tħobbu ftit bid-demm.
- Poġġi l-laħam fuq bord u qattgħu għall-wisa’. Ħallat flimkien it-tursin u z-zalza tal-mustarda.
- Servi l-laħam mal-patata, bl-insalata tat-tursin.
