Riċetta: Brokkli biz-zalza tal-gajdri (oyster sauce)

Riċetta Brokkli biz-zalza tal-gajdri (oysters)

Din ir-riċetta tista’ tkun akkumpanjament għal platti oħra Orjentali u fl-istess waqt tintroduċi fl-ikla togħmiet differenti.

Ingredjenti

  • 3 mgħaref oyster sauce
  • 1 mgħarfa soy sauce
  • 1 kuċċarina dqiq tal-qamħirrun (cornflour)
  • Niskata melħ
  • 1 mgħarfa, u ½ kikkra oħra ilma
  • 1 mgħarfa żejt veġetali
  • 2 sinniet tewm, imqaxxrin u misħuqin
  • brokkla (700g), maqtugħa fi fjuri

 

  1. F’bieqja żgħira ħabbat flimkien l-oyster sauce, is-soy sauce, id-dqiq tal-qamħirrun, iz-zokkor u mgħarfa ilma.
  1. Saħħan iż-żejt f’taġen kbir b’qiegħ oħxon fuq nar medju għal għoli. Żid it-tewm u l-brokkli u qalli, filwaqt li tqalleb kultant, sakemm il-brokkli tieħu kulur aħdar qawwi, madwar 3 minuti.
  1. Żid ½ kikkra ilma, għatti u sajjar sakemm il-brokkli tirtab ftit imma tkun għadha wieqfa, madwar 2 ½ minuti.
  1. Żid it-taħlita taz-zalza u tektek sakemm tibda tagħqad, madwar minuta.