Wisq probabli t-tfal tiegħek iħobbu l-ġelat u l-kejkjet, bħal ħafna tfal oħrajn. Mela pprova din ir-riċetta għal gallettini tal-ġinġer bil-ġelat u ara wiċċ it-tfal jixgħel bil-ferħ.
Ingredjenti:
- Pakkett (500g) taħlita tal-kejkiejiet (cake mix) plain
- 1/3 kikkra żejt
- 2 bajdiet kbar
- 2 kuċċarini trab tal-ġinġer
- 3 kikkri ġelat tal-vanilja artab
- Kikkra biċċiet tat-toffee
- Biċċiet tat-toffee biex iżżejjen
Tħejjija:
- Saħħa il-forn għal 180 C.
- Ikkombina t-taħlita tal-kejkijiet, iż-żejt, il-bajd u t-trab tal-ġinġer ġo skutella. Agħamel għaġina u fforma 12-il ballun ta' madwar 5ċm-il wieħed.
- Iċċattja l-blalen b'idejk fuq tilar.
- Sajjar għal 12-il minuta jew sakemm jismaru ftit. Neħħihom minn fuq it-tilar sabiex jibirdu.
- Ikkombina l-ġelat u l-biċċiet tat-toffee ġo skutella kbira.
- Poġġi ftit ġelat fuq nofs il-gallettini, u poġġi gallettina oħra fil-wiċċ ta' kull waħda. Agħfas bilmod sakemm il-ġelat jasal sax-xifer tal-gallettini. Itfagħhom fil-friża biex jeħel kollox sew flimkien.
- Jekk tixtieq, itfa' ftit biċċiet tat-toffee fuq platt u dawwar ix-xifer tas-sandwiches fit-taħlita sabiex jeħlu mal-ġelat qabel isservi.
Ikklikja hawn biex tipprova wkoll is-sandwiches tal-gallettini bil-ġelat.
