Torta tal-lanġas u ċ-ċikkulata Cadbury

cadbury

 

bournevilleKont taf li hemm villaġġ l-Ingilterra li jaf il-bidu tiegħu proprju lill-kumpanija magħrufa taċ-ċikkulata Cadbury? Il-villaġġ, Bourneville, li wkoll jagħti ismu lil wieħed mill-prodotti tal-istess Cadbury, beda bħala lokalità biex takkomoda lill-ħaddiema tal-fabbrika taċ-ċikkulata lejn il-bidu tas-seklu 20. Illum, Bourneville kiseb ċertu awtonomija mill-Cadbury, bil-gvern lokali tiegħu u rappreżentanza fil-Parlament Ingliż. Iżda r-rabtiet mal-famuża ditta baqgħu, bil-villaġġ jiġi ttimbrat iktar minn darba bħala "wieħed mill-aktar villaġġ ħelwin fir-Renju Unit."

Hu żgur li r-rabta maċ-ċikkulata ma ttellifx minn din il-ħlewwa għaliex, meta nsemmu ċ-ċikkulata, ftit hemm nies li ma tqanqlilhomx l-aptit. Din ir-riċetta, għal torta tal-lanġas u ċ-ċikkulata Cadbury, miġjuba lilek minn Cadbury stess bl-użu tal-prodotti tagħha, żgur se tkunlek suċċess mal-familja u l-ħbieb!

 

Isservi: 8 persuni

Preparazzjoni: 20 minuta

Ħin totali: 45 minuta

 

Ingredjenti:

  • 375g għaġina tat-torti (short crust pastry) lesta
  • 2 bajdietBournville-Cocoa-Powder
  • 100g butir mhux mielaħ Kerrygold, artab
  • 100g caster sugar
  • 100g lewż midħun
  • Mgħarfa trab tal-kawkaw (cocoa powder) Bournville 
  • 50g Cadbury Dairy Milk, mdewba banju marija (ġo skutella f'borma bl-ilma jagħli) 
  • 400g lanġas maqsum tal-bott, armi l-ilma

 

Tħejjija:

  1. Saħħan il-for sa 180⁰C.
  2. Xaħħam dixx fond tal-forn ta' 20 cm (deep fluted flan tin).Cadbury-Dairy-Milk
  3. Għaġen l-għaġina u iftaħha fuq ftit dqiq.
  4. Iksi d-dixx u poġġi fuq baking sheet.
  5. Ġo skutella, ħabbat il-bajd, il-butir, iz-zokkor, il-lewż u l-kawkaw sakemm isir ta' konsistenza ratba u ħafifa bħat-tajjar (fluffy).
  6. Żid iċ-ċikkulata mdewba u ħawwad sew.
  7. Ixħet it-taħlita ġod-dixx, ara li l-wiċċ ikun indaqs, u poġġi l-lanġas fil-wiċċ.
  8. Sajjar fil-forn għal madwar 40-45 sakemm titla' u toqgħod. Servi sħuna jew kiesħa.

 

Informazzjoni tan-nutrizzjoni għal kull porzjon:

Enerġija 502 kaloriji
Xaħam 34.4 g
Xaħam saturat 13.3g
Melħ 0.2 g
Zokkor 20.5 g