Riċetta: Tuffieħ mimli fil-forn

Riċetta: Tuffieħ mimli fil-forn

It-tuffieħ mimli jagħmel deżerta sempliċi delizjuża li tista’ tippreparaha fi ftit minuti biss. Jekk titfagħhom fil-forn qabel tibda l-ikla jilħqu jsiru u jkollhom ħin joqogħdu sakemm tiġi biex isservihom. Tista’ sservihom kemm sħan u kemm kisħin ma’ ġelat tal-vanilla jew krema mħabbta.

 

Ingredjenti

Għal 4 persuni

  • 4 tuffiħat kbar
  • ¼ kikkra zokkor ismar
  • 1 kuċċarina trab tal-kannella
  • ¼ kikkra ġewż pecan, imqatta’
  • ¼ kikkra passolina jew żbib imqatta’
  • 1 mgħarfa butir
  • ¾ kikkra ilma jagħli

 

Metodu

  1. Saħħan il-forn għal temperatura ta’190°C. Laħlaħ u xxotta t-tuffieħ. B’sikkina taqta’ jew apple corer aqta’ barra ż-żerriegħa tan-nofs mingħajr ma tneħħi l-parti tal-qiegħ (1ċm). It-toqba trid tkun 2ċm dijametru.
  2. F’bieqja ħallat iz-zokkor ismar, it-trab tal-kannella, il-passolina jew żbib u l-ġewż pecan. Poġġi t-tuffieħ ġo dixx u imla kull tuffieħa b’din it-taħlita. Fuq il-mili poġġi biċċa butir.
  3. Ferra’ l-ilma jagħli fil-qiegħ tad-dixx. Aħmi għal 30-45 minuta, sakemm it-tuffieħ isir u jirtab, imma jkun għadu wieqaf. Oħroġ id-dixx mill-forn u xarrab it-tuffieħ bl-ilma ta’ taħtu.
  4. Servi ma’ ġelat tal-vanilla jew krema mħabbta.

Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.