Din hija riċetta ta’ spagetti ħafif bit-togħma unika u kremuża tal-avokado li flimkien mal-pesto tal-ħabaq u l-prinjol jagħtu palat differenti minn zlazi oħra. Hija zalza li m’għandhiex bżonn tisjir u tippreparaha fi ftit minuti.
Ħin: 20 minuta
Isservi: 4 persuni
Ingredjenti:
- 450 g spagetti
- 1 avokado
- Meraq ta’ nofs lumija
- Ponn weraq tal-ħabaq frisk, imqatta’
- Sinna tewm, imqattgħa
- 6 mgħaref żejt taż-żebbuġa
- 50 g prinjol (pine nuts), inkaljat
- Melħ u bżar mitħun frisk
- 50 g ġobon Romano, maħkuk
Tħejjija:
- Għalli l-ispagetti f’borma ilma jagħli bil-melħ, al dente.
- Sadanittant, aqsam l-avokado, neħħilha l-għadma u b’mgħarfa aqla’ l-laħam tagħha u poġġih fi proċessur tal-ikel.
- Żid il-meraq tal-lumi, il-ħabaq, it-tewm u ż-żejt taż-żebbuġa u kisser għal ftit sekondi.
- Żid il-ġobon Romano, bżar u melħ u ħawwad.
- Saffi l-ispagetti mill-ilma u ħalltu mal-pesto. Żejjen bil-prinjol u servi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
