Riċetta: ‘Salsa fresca’

Picture by Shyle Zacharias. From freeimages.com

Din is-salsa hija sempliċi ħafna u tmur ma' ħafna tipi t'ikel. Peres li ġejja mill-Amerika t'Isfel, idealment isservijha mat-tacos (għal riċetta ara taħt) jew mat-tortilla chips tal-qamħirrun. Inkella, peres li tisbaħ xi insalata tat-tadam u l-basal, tista' sserviha wkoll bħala condiment mal-laħam jew il-ħut.

Isservi: 4 persuni

Ingredjenti:

  • Kikkra u nofs tadam imqatta'
  • Basla bajda mqatta'
  • Sinna tewm maħkuk
  • Nofs kikkra weraq tal-coriander imqatta'
  • Jalapeno jew felfel imqatta'
  • Mgħarfa meraq tal-lumi jew lime
  • Melħ oħxon u bżar iswed mitħun

Tħejjija:

  1. Ħawwad flimkien it-tadam, il-basal, il-jalapeno jew felfel, u l-meraq tal-lumi jew lime ġo skutella.
  2. Raxxex ftit melħ u bżar u ħawwad.
  3. Ħalli kollox joqgħod għal madwar 15-il minuta. Tista' wkoll tlesti s-salsa u żżomha fil-friġġ sa 4 siegħat.
  4. Żid il-coriander eżatt qabel ma sservi. 

 

Biex tuża din is-salsa, ipprova din ir-riċetta għal Tacos bit-tofu, it-tadam u l-pitravi