Riċetta: Pastini tal-coconuts u ċikkulata

Recipe of coconut and chocolate pastries Riċetta: Pastini tal-coconuts u ċikkulata

Dawn il-pastini huma verament faċli biex tagħmilhom għax lanqas hemm għalfejn jinħmew fil-forn; kemm tħallat l-ingredjenti u tkessaħ. Tajbin biex tagħtihom bħala rigal jekk jirnexxilek tinfired minnhom!

Ħin: 25 minuta u ħin biex tkessaħ

Isservi: 60 pastina

Ingredjenti:

  • 4½ kikkri zokkor tal-ġelu (icing sugar)
  • 3 kikkri coconuts imfarrak
  • 1 kikkra ħalib magħqud
  • ½ kikkra butir, imdewweb
  • ½ kuċċarina essenza tal-vanilla
  • 60 lewża sħiħa

Għall-ġelu:

  • 1½ kikkra zokkor tal-ġelu (icing sugar)
  • ½ kikkra kokotina
  • ½ kikkra butir, imdewweb
  • 3 mgħaref kafè jaħraq

Metodu:

  1. F’bieqja kbira ħallat sewwa flimkien l-ingredjenti kollha għall-pastini minbarra l-lewż sħiħ. Ifforma t-taħlita fi blalen ta’ 2ċm, poġġihom fuq tilar miksi bil-kartaforn. Iċċatjahom ftit u ppressa lewża f’nofs kull pastina. Daħħalhom fil-friġġ għal siegħa.
  2. F’bieqja ħabbat sewwa flimkien l-ingredjenti kollha tal-ġelu, bill nofs kull pastina fil-ġelu u erġa’ kessaħ sakemm il-ġelu jagħqad.
  3. Żomm il-pastini f’reċipjent magħluq fil-friġġ jew post frisk.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.