Riċetta: Kejk tal-Milied ta’ malajr

Riċetta: Kejk tal-Milied ta' malajr

Dan il-kejk addattat għal minn iħalli għall-aħħar biex jagħmel l-ikel tal-Milied għax m'għandux bżonn joqgħod għal żmien biex jiffermenta l-frott u jitjieb.  Dan tajjeb biex tieklu mill-ewwel.

Ingredjenti: 

  • 150 g butir
  • 25 ml żejt taż-żebbuġa
  • 180 g zokkor ismar
  • Mgħarfa għasel
  • 750 g frott li jogħġbok, imħallat u mqatta' jekk ikun frott kbir
  • Qoxra ta' lumija maħkuka
  • Qoxra ta' larinġa maħkuka
  • 2 mgħaref liquer li jogħġbok
  • 100 g lewż li jogħġbok, imqatta' biċċiet
  • 4 bajdiet
  • 100 g lewż mitħun (trab tal-lewż)
  • 200 g dqiq self raising 
  • Nofs kuċċarina baking powder
  • Kuċċarina mixed spice
  • Kuċċarina kannella
  • Nofs kuċċarina noce moscata.

 Metodu: 

  1. Poġġi l-butir, iz-zokkor, il-qoxra taċ-ċitru, il-meraq u l-liquer ġo kazzola fuq nar moderat.  Meta jagħli baxxi n nar u ħawwad għal 10 minuti. Neħħi minn fuq in-nar.
  2. Żid iż-żejt taż-żebbuġa u l-għasel.
  3. Ħalli t-taħlita tiksaħ għal nofs siegħa
  4. Saħħan il-forn għal 150 °C.
  5. Iksi dixx tal-kejkijiet bil-kartaforn.
  6. Ħallat l-ingredjenti l-oħra ġo skutella kbira.
  7. Ħawwad.
  8. Ibda żid it-taħlita tal-butir ftit ftit.  Ħawwad sew ħalli t-taħlita tiġi konsistenza waħda. 
  9. Poġġi ġo dixx tal-kejkijiet.
  10. Aħmi għal 45 minuta b' 140 °C  għal siegħa u nofs.  Jekk għandu bżonn nar iktar, għattih b'biċċa fidda u ħallih kemm għandu bżonn.
  11. Xħin jibred il-kejk agħmel taqqbu ftit bi skewer u itfa' grokk liquer li jogħġbok.
  12. Żejjen kif jogħġbok jew servi bi ftit icing sugar imferrex fil-wiċċ.

Ippruvajtha din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.