Għalkemm dan id-dixx fih il-krema jekk tużaw dan l-ingredjent mal-ikla ewlenija, mhux ta' kuljum, jagħmel togħma tajba ħafna speċjalment bit-togħma tal-bżar iswed li minnu din ir-riċetta fiha mhux ħażin. Il-bżar iswed huwa wieħed mill-eqdem ħwawar u l-aktar popolari u huwa użat madwar id-dinja.
Ingredjenti:
3 mgħaref bżar iswed imfarrak biċċiet
4 stejks tal-flett (fillet) mill-koxox tat-tiġieġ
Sinna tewm maħkuka
Mgħarfa żejt taż-żebbuġa
250 g tadam, imqatta' biċċiet
1/4 ta' kikkra nbid aħmar
1/4 ta' kuċċarina melħ
4 mgħaref krema friska
Werqa randa
Ftit tursin biex iżżejjen fil-wiċċ
Tħejjija:
Ferrex il-bżar fuq wiċċ il-mejda miksija bil-kartaforn.
Agħfas il-flettijiet tal-koxox tat-tiġieġ fil-frak tal-bżar fuq kull naħa biex tiksihom.
Saħħan iż-żejt fuq nar moderat u aqli ħafif il-flettijiet fuq iż-żewġ naħat. Żid is-sinna tewm; żid it-tadam, il-werqa randa, il-melħ u l-inbid. Baxxi n-nar u iksi t-taġen b'għatu. Ħallih sakemm jirtab it-tadam. Neħħi minn fuq in-nar. Qabel ma sservi ferragħ l-krema friska fil-wiċċ u żejjen bit-tursin imqatta' rqiq.
Servi ma' ftit ross, kuskus.jew patata.
