M'hemmx aqwa mill-ikel ġenwin magħmul id-dar mill-aħjar ingredjenti u b'ħafna mħabba kif kienet tagħmel in-nanna. B'din ir-riċetta sempliċi għal cheesecake tan-Nanna se tintilef fil-gallettini, il-krema tal-lumi u l-frott b'konsistenza li ddub ġo ħalqek u ġġielek tinħall. Navżawk bil-quddiem li m'aħniex ħatja tal-kili żejda li tista' żżid jekk titħanżer wisq!
Ingredjenti:
- 2 pakketti gallettini digestive, imfarrkin fini
- 60g butir
- 2 Philadelphia cream cheese
- Bott ħalib ikkondensat
- Kikkra meraq tal-lumi
- Kikkra zokkor
- Bott frott għall-mili tal-kejkijiet blackcurrent
Tħejjija:
- Ħallat il-gallettini mfarrkin mal-butir imdewweb u għaġen b'idejk sakemm kollox jitħallat sew.
- Agħżel dixx tal-kejkijiet li jinfetaħ mill-ġenb. Ara li jkun magħluq sew u imla l-qiegħ bit-taħlita tal-gallettini. Agħfas l-isfel biex it-taħlita tibbies fil-post, imbagħad poġġi fil-friġġ matul il-lejl.
- L-għada, ħallat il-Philadelphia mal-ħalib ikkondensat, il-meraq tal-lumi u z-zokkor, u ħawwad sew sakemm it-taħlita ssir bellusija.
- Ferragħ din it-taħlita ġod-dixx fuq il-gallettini; żomm fil-friġġ għal ftit sigħat jew lejl ieħor biex toqgħod.
- Qabel ma sservi, poġġi l-mili tal-kejkijiet fil-wiċċ, imbagħad iftaħ id-dixx bil-mod. Servi.