Riċetta: ‘Alkalizer Smoothie’

Hemm min isosstni li l-pH tal-ġisem jiddependi mill-ikel li nieklu. Il-pH huwa kejl tal-bilanċ bejn l-aċidu u l-alkali, żewġ sustanzi opposti li jinsabu fin-natura, inkluż il-ġisem. Għalkemm m'hemm ebda evidenza li ġejja minn studji uffiċjali, jidher li min isegwi dieta alkalina jgawdi saħħa tajba ħafna. Fit-terapija olistika hemm min isostni li din it-tip ta' dieta tgħin lil min għandu problemi t'aċidu fl-istonku u gotta (gout), kif ikoll tgħin issaħħaħ l-immunità.

Ipprova din ir-riċetta għal smoothie b'ingredjenti alkalini biex tnaqqas l-aċidu f'ġismek. Jekk xejn għandu togħma tajba u jagħtik l-enerġija, u jekk huwa tassew minnu li jgħin lid-diġestjoni u jgħinek ukoll tibqa' iktar b'saħħtek, torqod aħjar, tiġġieled il-mard u l-artrite, barra li tkun iktar kuntent u fuq tiegħek, wisq aħjar!

Isservi 1-2

Ingredjenti:

  • Kikkra spinaċi
  • ½ lanġasa
  • ¼ avokado
  • ¼ kikkra meraq tal-ġewża tal-Indi (coconut water)
  • Kikkra ħalib mill-lewż (almond milk)
  • Kuċċarina żrieragħ taċ-chia (chia seeds)
  • Imgħarfa trab tal-proteina (hemp powder jew pumpkin powder)
  • Ilma

Itfa' kollox fil-blender u ħawwad sew. It-taħlita tista' tinżamm fil-friġġ għal 24 siegħa.