Riċetti: Daħħal il-ġobon tat-tursina biex tagħti stil ieħor lill-platti tiegħek

Kemm fil-ħaxix kif ukoll fil-laħam mixwi, nistgħu ndaħħlu ingredjenti mhux tas-soltu biex nagħtu dik it-togħma daqsxejn speċjali u partikolari. Hawn taħt tista' tieħu ftit ideat ta' kif tista' ddaħħal ftit ġobon tat-tursina fi platti klassiċi biex toħloq platti kompletament ġodda li għandhom jolqtu l-gosti ta' sħabek u l-familja tiegħek.

Burgers

Jekk tħobb tixwi u ta' spiss tintefa' tagħmel xi barbeque, agħmel cheese burgers mhux tas-soltu billi tuża l-ġobon tat-tursina minflok tipi ta ġobon oħrajn. Dan it-tip ta' ġobon għandu togħma qawwijja u peres li hu naqra mielaħ imur tajjeb ħafna mal-laħam mixwi.

Deżerta

Jekk se tagħmel il-ħelu, ipprova żid ftit ġobon tat-tursina fir-riċetta favorita tiegħek għal cheesecake u ara x'taħseb.

Frott mixwi

Aħna l-Maltin ma tantx aħna mdorrijin nieklu l-frott imsajjar, ħlief forsi biex nagħmlu xi torta tal-frott jew xi ġamm. Imma huwa minnu li l-frott mixwi jaf jagħti dik it-togħma verament tajba li tikkuntrasta mal-ħlewwa tal-frott. Tista' tixwi l-lanġas jew il-ħawħ, jew inkella tista' tagħmel kebabs bil-banana, larinġ, għajnbaqar, tuffieħ u ananas u servihom b'biċċa ġobon tat-tursina biex iżżid it-togħma mielħa mal-ħelu tal-frott. Ikklikkja hawn għal riċetta għall-bajtar ta' San Ġwann bil-ġobon tat-tursina.

Dipp u ħaxix

Għamel dipp tal-ġobon tat-tursina, u qatta' l-karfus, karrotti u ħjar f'biċċiet twal u rqaq biex tbill ġo fiħ sakemm isir l-ikel. Ikklikkja hawn għal riċetta għal dipp tal-ġobon tat-tursina.