Riċetta Tradizzjonali Maltija: Xkumvat

Xkunvat

Riċetta oħra li qasam miegħi Renato Briffa, għalliem anzjan fl-ITS u speċjalista tal-ħelu Malti (ħila li wiret mingħand il-familja tiegħu li kellhom ħanut tal-ħelu fi Triq iz-Zekka, il-Belt Valletta fil-ħamsinijiet).

Tajba għaċ-ċelebrazzjonijiet u għal Ħadd il-Għid. Dawn tar-ritratt għamilthom jien.

Ingredjenti:

  • 200 g dqiq
  • 40 g xaħam
  • 40 g zokkor
  • 4 qatriet vanilja
  • 2 bajdiet
  • mgħarfa u nofs aniżetta

Tħejjija:

  1. Ħallat id-dqiq u x-xaħam u ġo skutella oħra itfa' z-zokkor, il-bajd, il-vanilja u l-aniżetta u ħallat mad-dqiq u x-xaħam sakemm tifforma l-għaġina.
  2. Għattiha u wara kwarta mistrieħ iftaħ l-għaġina bil-lenbuba u pprova żommha f'forma kwadra.
  3. Qattagħha fi strixxi u kull strixxa agħmilha f'għoqda jew ċoff. Ixgħel il-fryer, tellgħu 175°C
    jew tella' borma żgħira biż-żejt mhux għoli ħafna u kif jagħli ibda aqli sakemm jiġu kulur id-deheb.
  4. Wara itfa' fuqhom għasel u lewż imfarrak u jiena wkoll inżidilhom il-konfettura.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.