Riċetta: Xiwja brunġiel, bżar ħelu u kurrat (leeks)

Il-brunġiel u l-bżar ħelu nsibu nixrtuhon bħalissa wkoll, għalkemm mhumiex fl-istaġun naturali tagħhom. F’din it-taħlita ta’ ħaxix mixwi hemm il-kurrat ukoll, li f’dawn ix-xhur jinsab fl-aqwa tiegħu. Dan jista’ jkun platt prinċipali minnu nnifsu servut ma’ ħobż frisk bil-qoxra, u jista’ jisserva wkoll bħala akkumpanjament ta’ platti oħra.

Ħin: 45 minuta

Isservi: 6 persuni

Ingredjenti:

  • 4 kurratiet kbar, il-parti bajda u ħadra ċara biss, imnaddfin u maqsumin min-nofs għat-tul
  • 2 brunġiliet kbar (madwar 1 kg b’kollox)
  • 4 bżariet ħelwin ħomor (capiscum)
  • 2 irjus tewm
  • Żejt taż-żebbuġa
  • Melħ fin
  • Melħ oħxon
  • Bżar mitħun frisk
  • 2 mgħaref ħall tas-sidru (cider vinegar)

Tħejjija:

  1. Saħħan il-forn għal temperatura ta’ 230°C.
  2. Poġġi l-ħaxix kif inhu fuq tilar ftit imbiegħed minn xulxin. Roxx biż-żejt taż-żebbuġa u melħ fin u aħmi għal 40 minuta. Waqt dan il-ħin dawru darbtejn biex isir minn kull naħa.
  3. Meta tara li l-ħaxix irtab u l-qoxra tiegħu bdiet tiswied, oħorġu mill-forn u ħallih jibred ftit , imbagħad għattih issikkat bil-cling film. Ħalli l-ħaxix jibred sakemm tkun tista’ tmissu.
  4. Neħħi l-ewwel qoxra tal-kurrat u armiha. Qatta’ l-kurrat djagonali f’biċċiet ta’ 2 ċm l-waħda.
  5. Bil-mod qaxxar il-brunġiel u armi l-qoxra. Aqsam il-brunġiel fi strixxi għat-tul ta’ 1 ċm ħxuna.
  6. Neħħi r-rita tal-bżar, aqsmu, u neħħilu z-zokk u ż-żerriegħa.
  7. Aqta’ t-tarf tal-irjus tat-tewm u agħfas kull tewma ’l barra mill-qoxra.
  8. Erfa’ l-meraq li jkun ħareġ mill-ħaxix waqt ix-xiwi. 
  9. Fuq il-platt li se sservi fih irranġa l-ħaxix fi strixxi.
  10. Poġġi t-tewm f’bieqja u għaffġu. Miegħu żid mgħarfa mill-meraq tal-ħaxix, il-ħall, u mgħarfa żejt taż-żebbuġa. Ferra’ t-taħlita fuq il-ħaxix u roxx kollox b’niskata melħ oħxon.
  11. Servi sħun jew f’temperatura tal-kamra.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!