Riċetta: Xarba friska bil-ġelat u l-frott

Strawberry drink

Xarba friska għal kull ħin tal-ġurnata u adattata għat-tfal ukoll. Tista’ tuża frott li tħobb jew tħallat ukoll. Evita frott bħal dulliegħ li jsir likwidu żżejjed meta titħnu.

Ħin: 20 minuta, u ħin biex tkessaħ

Isservi: 8-10 persuni

Ingredjenti:

  • 3 kikkri frott imqatta’ tal-gosti tiegħek bħal ħawħ, nuċiprisk, mango, frawli,eċċ.
  • 150 g zokkor
  • Meraq ta’ lumija
  • Ġelat tal-vanilla
  • Ilma karbonizzat (sparkling water), kiesaħ

 

Tħejjija:

  1. Itħan flimkien il-frott, iz-zokkor u l-meraq tal-lumi, imbagħad għaddi t-taħlita minn passatur. Kessaħ it-taħlita kompletament fil-friġġ.
  2. Biex tagħmel ix-xarba: F’tazza twila ferra’ 60 ml taħlita tal-frott, imbagħad poġġi fuqha scoop ġelat. Ħawwadhom ftit b’mgħarfa u żid ilma karbonizzat sakemm ikollok ¾ tat-tazza mimlija. Poġġi scoop jew tnejn oħra ġelat.
  3. Daħħal kuċċarina twila u straw fit-tazza u servi fil-pront.

Ippruvajtha din ir-ricetta ta' xarba friska bil-ġelat u l-frott? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.