Ir-wraps daħlu sewwa bħala ikla ħafifa. Jagħmlu ikla versatili ferm fejn tista’ tuża l-immaġinazzjoni u toħloq wrap ġdida kull darba. Huma wkoll mezz tajjeb kif tuża ikel li jkun fadallek minn ikliet oħra.
Ħin: 30 minuta
Isservi: 4 persuni
Ingredjenti:
- 4 wraps kbar
- 600 g laħam tal-ħaruf, imqatta’ dadi żgħar
- Mgħarfa żejt taż-żebbuġa
- 4 tadamiet, imqattgħin
- 2 basliet, imqattgħin flieli rqaq
- Mgħarfa tursin frisk, imqatta’
- Mgħarfa nagħniegħ frisk, imqatta’
- 200 g ġobon feta
- Niskata paprika
Tħejjija:
- Saħħan iż-żejt f’taġen fuq nar moderat.
- Żid il-ħaruf u l-paprika u qalli sakemm il-laħam jieħu l-kulur minn kullimkien.
- Imbagħad żid il-basal u qalli sakemm il-basla taqbad tirtab.
- Żid 100 ml ilma u ħalli kollox itektek għal 8-10 minuti jew sakemm jinġibed sew il-meraq.
- Ħallat flimkien it-tadam, it-tursin u n-nagħniegħ fi skutella.
- Saħħan jew ixwi ftit ir-wraps fuq taġen u poġġi kull waħda fuq platt.
- Qassam it-taħlita tal-ħaruf bejn l-erba’ wraps. Qassam ukoll it-taħlita tat-tadam u farrak il-ġobon feta fuq kollox.
- Irrombla u agħlaq ir-wraps u servihom ma’ insalata ħadra.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
