Riċetta veġetarjana: Spagetti bil-lumi u l-lewż

spaghetti with lemon

M’hemmx għalfejn tħabbel rasek jekk ma tafx x’se ssajjar illum, għax dawn l-ingredjenti żgur se ssibhom kollha fil-kċina tiegħek. Jekk m’għaddekx lewż imma għadek prinjol (pine nuts), ġewż, ġewż pekan jew pistaċċ, tista’ tuża lilhom minflok il-lewż.

Ħin: 20 minuta

Isservi: 4 persuni

Ingredjenti:

  • 400 g spagetti
  • 150 ml żejt taż-żebbuġa
  • Meraq u qoxra maħkuka ta’ lumija
  • 75 g ġobon Parmiġġan, maħkuk
  • Melħ u bżar mitħun frisk
  • Ponn ħabaq frisk, imqatta’
  • 50 g lewż, imqatta’ għat-tul

 

 Tħejjija:

  1. Għalli l-ispagetti f’borma kbira ilma bil-melħ sakemm isir al dente.
  2. Fi skutella ħallat flimkien iż-żejt, il-meraq u l-qoxra maħkuka tal-lumija, il-ġobon Parmiġġan, il-ħabaq, melħ u bżar.
  3. Saffi l-għaġin u erġa’ aqilbu fil-borma. Żid miegġu t-taħlita taż-żejt u ħawwad sakemm jinkesa l-ispagetti.
  4. Servi fil-pront bil-lewż imferrex fil-wiċċ.

Ippruvajtha din ir-ricetta ta' spagetti bil-lumi u l-lewż? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!