Il-qargħa ġandra, li tieħu isimha għax għanda forma fil-tul bħal tal-ġandar, hija r-reċipjent li fih se npoġġu fih il-kumplament tal-ingredjenti li huma qamħirrun, fażola u tadam.

Din il-kwalità ta’ qargħa tiġi f’daqsijiet differenti. Il-kbar jieħdu madwar siegħa biex isiru u jistgħu jinqasmu min-nofs jew anke f’terzi jekk ikunu kbar wisq għal porzjon wieħed. Jekk taħmi l-qargħa għal 20 minuta biex tirtab ftit,ikun aktar faċli biex taqsamha.

Ingredjenti

Għal 8 porzjonijiet jekk se tisserva bħala l-platt prinċipali, jew 12-16 jekk porzjonijiet żgħar

• 4 qara’ ġandar kbir, jew 6 iżgħar
• 3 mgħaref żejt taż-żebbuġa ekstra verġni, u ftit iktar biex tidlek
• 1 basla, imqattgħa rqiq
• 1 bżaru aħmar, imqatta’ rqiq
• 2 bottijiet ta’ 400g polpa tat-tadam, mitħuna
• 2 mgħaref kunserva
• 2 mgħaref għasel
• 2 mgħaref ħall tal-inbid aħmar
• Melħ u bżar mitħun frisk
• ½ kuċċarina bżar cayenne
• 3 kikkri fażola ħamra jew sewda msajra, jew 2 bottijiet imsaffijin u mlaħalħin
• 1 kikkra qamħirrun
• 2/3 kikkra frak tal-ħobż
• 55g ġobon gruyère, maħkuk

Metodu

1. Saħħan il-forn għal temperatura ta’ 190°C.
2. Poġġi l-qara’ fuq tilar u aħmi għal 20 minuta. Stenna sakemm jibirdu (15-il minuta), aqsamhom min-nofs, miz-zokk għal taħt, u aqla’ż-żerriegħa u l-ħjut.
3. Sadanittant saħħan 2 mgħaref żejt taż-żebbuġa f’taġen kbir u żid il-basla. Qalli għal 3 minuti sakemm tirtab.
4. Żid il-bżar aħmar u niskata melħ u qalli għal 5 minuti oħra.
5. Żid it-tadam u l-kunserva u ħawwad għal 5 minuti, sakemm jibda jinxtorob it-tadam.
6. Żid l-għasel, il-ħall, il-bżar cayenne u melħ. Tektek għal 8-10 minuti, sakemm iz-zalza tibda tagħqad u tfuħ. Żid melħ u bżar jekk ikun hemm bżonn.
7. Itfa’ wkoll il-fażola u l-qamħirrun u kompli tektek għal 5 minuti oħra.
8. Idlek biż-żejt tilari biżżejjed biex joqgħod fihom il-qara’.
9. Roxx it-toqob u l-ġnub maqtugħin tal-qara’ bil-bżar u l-melħ u idlek biż-żejt jew butir maħlul. Imla bit-taħlita tal-fażola.
10. Ħallat flimkien il-frak tal-ħobż, il-ġobon u ż-żejt li jkun fadal, u ferrex fuq il-mili.
11. Poġġi l-qara’ fuq it-tilari u iksi sewwa bil-foil.
12. Aħmi l-qara’ l-kbir għal 45 minuta, imma ara ż-żgħar wara 30 minuta. Il-laħam tal-qara’ għandu jkun artab biżżejjed li jittaqqab b’ponta ta’ sikkina.
13. Neħħi l-foil u erġa’ daħħal fil-forn għal 5-10 minuti oħra sakemm jiħmar il-frak tal-ħobż. Servi jaħraq jew sħun.

Nota: tista’ tipprepara l-mili ġurnata jew tnejn qabel u tħallih fil-friġġ.