Din l-isalata hija ta’ oriġini Russa. Ir-ravanell huwa ħaxixa b’saħħitha u waħda mill-ftit li tgħix fil-klima kiefra ta’ dan il-pajjiż.
Ħin: 30 minuta
Isservi: 4 persuni
Ingredjenti:
Għall-insalata:
- 600 g patata żgħira
- 4 bajdiet
- 8 ravanelliet, imqattgħin roti
- 2 pitraviet kbar, imnaddfin
- Melħ u bżar mitħun frisk
- Lumija maqsuma f’erba’ flieli, biex isservi
Għaz-zalza:
- 2 imgħaref kurrat selvaġġ (chives), imqatta’
- 4 mgħaref mayonnaise
- 4 mgħaref żejt taż-żebbuġa
- 4 biċċiet inċova, imqattgħin irqiq
- 2 imgħaref tursin frisk, imqatta’
Tħejjija:
- Fi tliet kzazel separati poġġi l-bajd, il-pitravi, u l-patata. Poġġi l-kzazel fuq in-nar, ħallihom jiftħu jagħlu u baxxi n-nar. Għalli l-bajd għal 5 minuti u neħħihom mill-ilma. Għalli l-patata u l-pitravi għal 8-10 minuti jew sakemm jirtabu. Saffihom mill-ilma u ħallihom jibirdu.
- Sadanittant, fi skutella żgħira ħallat iż-żejt taż-żebbuġa, il-mayonnaise, il-kurrat selvaġġ u l-inċova.
- Qaxxar il-bajd. Qaxxar il-patata u aqsamha f’żewġ jew erba’ biċċiet, skont id-daqs. Qaxxar il-pitravi u qattgħu dadi.
- Poġġi l-patata u r-ravanell fi skutella u żid it-taħlita tal-mayonnaise. Ħawwad kollox sakemm jinksew. Qassam din it-taħlita bejn erba’ platti.
- Ferrex il-pitravi fil-wiċċ, u aqsam kull bajda f’erbgħa u poġġi l-biċċiet fuq kull platt.
- Ferrex it-tursin fil-wiċċ u servi bil-flieli tal-lumi.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!